काठमाण्डौं । नेपाल धितोपत्र बोर्डले बहु आबेदकको रकम एउट चेकबाट भुक्तानी गरी आबेदन गर्न रोक लगाएको नयाँ ब्यवस्था मेरो माइक्रोफाइनान्सले आजबाट सर्वसाधारणका लागि खुल्ला गरेको सेयरबाट लागु हुने भएकोछ ।
नेपाल धितोपत्र बोर्डले निर्देशन जारी गर्दै बहुसंख्यक आवेदनमा एउटा चेकबाट आवेदन दिएमा त्यसलाई रद्ध गर्न निर्देशन दिइसकेको छ । यसतो अवस्थामा माइक्रोफाइनान्सले सबैलाई प्रत्येक आवेदनमा एउटा चेक राखेर आवेदन दिन आग्रह गरेको छ ।
हितग्राही (डिम्याट) खाता हुनेले फारममा आफ्नो खाता नम्बर स्पष्ट रुपमा उल्लेख गर्न पनि फाइनान्सले अनुरोध गरेको छ । यो भएमा सूचिकरण भएपछि कागजी प्रमाणपत्रको झन्भट हुँदैन भने सिधै खातामा सेयर आउनेछ ।
२७ फागुन २०७२, १०.००
वि.सं.२०७२ फागुन २७ बिहीवार ११:४६ मा प्रकाशित
