काठमाण्डौं । शिक्षक सेवा आयोगको हिजो बसेको बैठकले पाँचै विकास क्षेत्रका ६ सय ११ शिक्षक पदका लागि दरखास्त आब्हान गर्ने निर्णय गरेकोछ ।
२०६३ बैशाख १० पछि रिक्त रहेका मावि शिक्षक दरबन्दीमा स्थायी पदपूर्तिका लागि विज्ञापन खोलिएको आयोगले जनाएको छ ।
विभिन्न १४ विषयमा शिक्षक माग गरिएको छ र यस मध्ये सबै भन्दा धेरै विज्ञानका लागि १ सय ५० पदका लागि आबेदन माग गरिएको छ । दोस्रोमा अंग्रेजीका लागि १ सय २८, नेपालीका लागि १ सय ७ सामाजिकका लागि ९३ र गणितका लागि ८७ पदको विज्ञापन मार्फत माग गरिएको छ ।
त्यस्तै लेखामा २०, स्वास्थ्य तथा जनसंख्यामा ६, संस्कृत साहित्य र कम्प्युटर विज्ञानमा ३ र ३ पदका लागि विज्ञापन गरिएको छ । शिक्षा र संस्कृत भाषका लागि २र२ तथा कृषि र वेदका लागि १, १ पद तोकिएको छ । ३० दिन भित्र आवेदन भर्न पाईने भएकाले फारम भर्ने म्याद चैत २९ गते सम्मका लागि तोकिएको छ ।
पाँचै क्षेत्रीय कार्यालय सहित हरेक क्षेत्रमा एक जिल्ला शिक्षा कार्यालयमा फारम भर्न पाईने ब्यवस्था गरिएको छ । पूर्वाञ्जलमा जिशिका मोरङ्, मध्यमाञ्चलमा ललितपुर, पश्चिमाञ्चलमा रुपन्देही, मध्य पश्चिममा दाङ र सुदुर पश्चिममा कैलाली जिशिकामा फारम भर्न पाईने ब्यवस्था गरिएको आयोगले जनाएको छ ।
३० फागुन २०७२, ११.००
वि.सं.२०७२ फागुन ३० आइतवार ११:३७ मा प्रकाशित
