काठमाडौँ । कांग्रेसका नवनिर्वाचित सभापति शेरबहादुर देउवाले बुधबार नरहरि आचार्य सहित ७ जनालाई केन्द्रीय सदस्यमा मनोनित गरेका छन् । पार्टी कार्यालय सनेपामा आयोजित कार्यक्रममा मञ्चबाटै देउवाले मनोनितहरुको नाम घोषणा गरेका हुन् ।
उनले निर्वाचनमा आफ्ना प्रतिस्पर्धी रामचन्द्र पौडेल, अर्का प्रतिस्पर्धी कृष्णप्रसाद सिटौला, महामन्त्रीमा पराजित अर्जुन नरसिंह केसी, गगन थापा कोषाध्यक्षमा पराजित चित्रलेखा यादव र उमाकान्त चौधरीलाई मनोनित गरेका हुन् । त्यसवाहेक उनले नरहरि आचार्यलाई पनि केन्द्रीय सदस्यमा मनोनय गरेका छन् । आचार्य बिरामी भएर चुनावी प्रतिस्पर्धामा भाग लिन पाएका थिएनन् । पार्टी विधानले निर्वाचित सभापतिलाई २१ जना केन्द्रीय सदस्य मनोनयनको अधिकार दिएको छ ।
३ चैत २०७२
वि.सं.२०७२ चैत ३ बुधवार १८:३० मा प्रकाशित
