काठमाडौं । एनआइसी एसिया ग्रोथ फन्डले १० प्रतिशत नगद लाभांशमा सम्बन्धित सेयरधनीको खातामा जम्मा गरिदिएको छ ।
हितग्राही खातामा समावेश गरिएको बैंक खातामा लाभांश भुक्तानी गरिएको कम्पनीको भनाई छ । हालसम्म पनि आफ्नो सेयर भौतिक रुपमा राखेका सेयरधनीले भने डिम्याट गरी बैंक खाता अद्यावधिक गराएपछि मात्र लाभांश पाउने छन ।
डिम्याट नगरेकालाई तत्काल सेयर डिम्याट गर्न भनिएको छ । लगानीकर्ताले आफूले खाता खोलेको कुनै पनि बैंक तथा वित्तीय संस्था वा अन्य कुनै पनि निक्षेप सदस्यमार्फत डिम्याट खाता खोल्न सक्नेछन । त्यसपछि सेयरधनीको डिम्याट खातामा नगद लाभांश जम्मा हुनेछ ।
यस फन्डले आर्थिक वर्ष २०७५/७६ को नाफाबाट प्रतिफल वितरण गरेको हो । यो म्युचुअल फन्ड एनआइसी एसिया क्यापिटलको व्यवस्थापनमा सञ्चालित पहिलो योजना हो ।
२०७६ असोज १३ गते प्रकाशित
वि.सं.२०७६ असोज १३ सोमवार ११:४३ मा प्रकाशित
