काठमाडौं । मंगवार नेप्से कारोबार भएको पहिलो घण्टामा ४ दशमलव १४ अंकले बढेर १ हजार ३५३ दशमलव २७ विन्दुमा पुगेको छ ।
१ हजार ३५१ दशमलव शून्य १ विन्दुबाट शुरु भएको परिसूचक कारोबारकोे यस अवधिमा शून्य दशमलव ३१ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये ४ समूहको परिसूचक बाहेक बाँकी सबै समूहको परिसूचक बढेको छ । पहिलो घण्टाको कारोबारमा १५६ ओटा कम्पनीको रू. २५ करोड ९४ लाख बराबरको शेयर कारोबार भएको छ ।
यस अवधिमा गरिमा विकास बैंककोे सर्वाधिक कारोबार भएको छ । उक्त बैंकको रू. २ करोड २ लाख बराबरको शेयर कारोबार भएको छ । सो समयमा बैंकको शेयर मूल्य रू. २५२ मा कारोबार भइरहेको छ ।
कारोबार रकमकै आधारमा दोस्रोमा नेपाल इन्स्योरेन्सको रू. १ करोड ८२ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ४४६ रहेको छ ।
वि.सं.२०७६ माघ २१ मंगलवार १२:१८ मा प्रकाशित
