काठमाडौं । स्वरोजगार लघुवित्त वित्तीय संस्थाले जनकपुर लघुवित्तलाई प्राप्ति गर्ने भएको छ । काभ्रेको बनेपा नगरपालिका– ५ मा रिजष्टर्ड कार्यालय रहेको स्वरोजगार लघुवित्तले धनुषा जिल्लाको जनकपुर उपमहानगरपालिका–४ मा रजिष्टर्ड कार्यालय रहेको जनकपुर लघुवित्त वित्तीय संस्थालाई प्राप्ति गर्ने विषयमा मंगलवार सम्झौता गरेको हो ।
स्वरोजगारले जनकपुर लघुवित्तलाई प्रतिकित्ता रू.७० सम्मको स्वाप रेशियो दिने गरी सम्झौता भएको बताइएको छ । तर डीडीए प्रतिवेदनका आधारमा शेयर स्वाप रेशियोको अन्तिम निर्णय हुने स्वरोजगार लघुवित्तले बताएको छ ।
स्वरोजगार लघुवित्तको चुक्तापूँजी रू.३४ करोड १६ लाख रहेको छ भने जनकपुर लघुवित्तको चुक्तापूँजी रू.३ करोड ४७ लाख ५० हजार रहेको छ ।
नेपाल राष्ट्र बैंकबाट आव २०७५/०७६ मा घ वर्गको कारोबार गर्ने गरी इजाजत पाएको जनकपुर लघुवित्तले पहिलो साधारण सभामार्फत मर्जर वा प्राप्ति गर्ने प्रस्ताव पारित गरेको थियो ।
वि.सं.२०७६ माघ २९ बुधवार १२:४० मा प्रकाशित