काठमाडौं । सेञ्चुरी कमर्शियल बैंकको चालु आर्थिक वर्षको दोस्रो त्रैमाशमा नाफा २५.५३ प्रतिशत बढेको छ । पुससम्म बैंकले ६५ करोड रुपैयाँ खुदनाफा गरेको छ ।
अघिल्लो वर्षको सोही अवधिमा बैंकले ५१ करोड ८१ लाख रुपैयाँ नाफा गरेको थियो । गत आर्थिक वर्षको तुलनामा चालु आर्थिक वर्षमा बैंकले १३ करोड २१ लाख रुपैयाँ नाफा बढाएको छ ।
६ महिनामा गरेको नाफाबाट बैंकले सेयरधनीलाई ४२ करोड ३० लाख रुपैयाँ लाभांश वितरण गर्न सक्ने छ । बैंकको निष्क्रिय कर्जा बढेर १.६७ प्रतिशत पुगेको छ । अघिल्लो वर्षको सोही अवधिमा यस्तो कर्जा ०.८४ प्रतिशत थियो । ६ महिनामा बैंकले ५ करोड ३३ लाख रुपैयाँ प्रोभिजनिङ गरेको छ ।
बैंकको प्रतिसेयर आम्दानी १५ रुपैयाँ ४५ पैसा छ । निक्षेप लागत ७.८६, सीसीडी ७९, आधारदर १०.३५ र स्प्रेड ४.७६ प्रतिशत छ । बैंकको सञ्चित कोषमा १ अर्ब ३८ करोड रुपैयाँ जम्मा भएको छ ।
वि.सं.२०७६ माघ २९ बुधवार १३:३१ मा प्रकाशित