काठमाडौं । चालु आर्थिक वर्षको दोस्रो त्रैमासिकमा पनि सरकारी स्वामित्वको राष्ट्रिय वाणिज्य बैंकले सबैभन्दा धेरै नाफा कमाएको छ । यसअघि पहिलो त्रैमासिकमा पनि राष्ट्रिय वाणिज्य बैंककै नाफा सबैभन्दा धेरै थियो ।
चालु आर्थिक वर्षको दोस्रो त्रैमासमा २७ वटा वाणिज्य बैंकहरुले औसतमा एक अर्ब २१ करोड रुपैयाँ नाफा कमाएका छन् । राष्ट्रिय वाणिज्य बैंकले सबैभन्दा धेरै नाफा कमाएको छ ।
राष्ट्रिय वाणिज्य बैंकले दुई अर्ब २० करोड ९४ लाख रुपैयाँ नाफा कमाएको छ । नबिल बैंक दुई अर्ब चार करोड रुपैयाँ नाफा कमाएर दोस्रो स्थानमा रहेको छ । सिभिल बैंकले सबैभन्दा थोरै ३१ करोड रुपैयाँमात्र नाफा कमाएको छ ।
१४ वटा बैंकले एक अर्ब रुपैयाँभन्दा धेरै नाफा कमाएका छन् भने ११ वटा बैंकले एक अर्ब रुपैयाँभन्दा थोरै नाफा कमाएका छन।
कुन बैंकको नाफा कति ?
वि.सं.२०७६ फागुन १ बिहीवार १२:४८ मा प्रकाशित
