काठमाडौं । हिमालयन बैंकका प्रमुख कार्यकारी अधिकृत (सीईओ) अशोक राणाले तलब सहित विभिन्न सेवा सुविधा बापत गत आर्थिक वर्षमा कुल १ करोड ६९ लाख ११ हजार १०० रुपैयाँ बुझेका छन् ।
राणा सीईओले तलब, भत्ता र टेलिफोन लगायतका शिर्षकमा उक्त रकम बुझेका हुन । बैंकका हालै सम्पन्न २७औँ वार्षिक साधारणसभामा प्रस्तुत गरिएको वार्षिक प्रतिवेदनमा यसबारे उल्लेख गरिएको छ ।
उनले एक वर्षमा तलब बापत ८२ लाख ८ हजार रकम बुझेका छन । यस्तै भत्ता तर्फ ७३ लाख ९२ हजार, टेलिफोन बापत ४ लाख १८ हजार ३९५ रकम बुझेका छन ।
यसैगरि विविध शिर्षकमा ८ लाख ९२ हजार ७०५ रुपैया लिएको प्रतिवेदनमा उल्लेख छ । यसका अलावा उनलाई गाडी र बिमा सुविधा पनि प्रदना गरिँदै आएको छ । प्रतिवेदन अनुसार उनले सञ्चयकोषको सुविधा भने उपयोग नगरेको देखिन्छ ।
यस अवधिमा संचालकहरुले बैठक भत्ता, टेलिफोन सुविधा लगायतका शिर्षकमा ४० लाख ३८ हजार २८५ रुपैयाँ बुझेका छन । यस्तै व्यवस्थापकहरुले विविध शिर्षकमा २८ करोड १२ लाख ६२ हजार ८०९ रुपैँया बराबरको सेवा सुविधा लिएका छन ।
वि.सं.२०७६ फागुन २ शुक्रवार १५:११ मा प्रकाशित
