काठमाडौं । कृषि विकास बैंक र भुक्तानी प्रणाली सञ्चालक फोन पे सर्भिसबीच सम्झौता भएको छ । सम्झौतासँगै फोन पेका सम्पूर्ण सेवा कृषि विकास बैंकको मोबाइल बैंकिङ मार्फत् लिन सकिनेछ ।
यसैगरी कृषि विकास बैंकले बजारमा मर्चेन्ट विस्तार गर्नेछ । जहाँबाट ग्राहकले आफ्नो मोबाइल बैंकिङमार्फत् विभिन्न प्रकारका किनमेल तथा भुक्तानी गर्न सक्नेछन् ।
सम्झौतापत्रमा फोनपेका तर्फबाट एफवान सफ्ट गु्रपका अध्यक्ष विश्वास ढकाल र कृषि विकास बैंकका प्रमुख कार्यकारी अधिकृत अनिलकुमार उपाध्यायले हस्ताक्षर गरे ।
वि.सं.२०७६ फागुन २१ बुधवार १५:११ मा प्रकाशित