काठमाडौं । समृद्धि फाइनान्सले २०० प्रतिशत हकप्रद शेयर विक्री गर्न नेपाल धितोपत्र बोर्डसँग अनुमति मागेको छ । कम्पनीले रू. ३६ करोड ३९ लाख ६० हजार ६०० बराबरको हकप्रद विक्री गर्न अनुमति माग्दै फागुन २३ गते निवेदन दर्ता गराएको हो ।
यो हकप्रद विक्री प्रबन्धकको जिम्मेवारी बिओके क्यापिटल मार्केटले पूरा गर्नेछ । हाल कम्पनीको चुक्तापूँजी रू. १८ करोड १९ लाख ८० हजार छ । सोही पूँजीको आधारमा कम्पनीले २०० प्रतिशत हकप्रद शेयर जारी गर्न लागेको हो ।
वार्षिक प्रतिशेयर आम्दानी रू. ९ दशमलव ६६ रहेको कम्पनीको प्रतिशेयर नेटवर्थ रू. ४९ दशमलव ६३ छ । चालू आर्थिक वर्षको दोस्रो त्रैमाससम्म कम्पनी रू. ८७ लाखभन्दा बढी घाटामा रहेको छ । कम्पनीको जगेडा कोषमा रू. २२ करोड ९८ लाखभन्दा बढी रकम रहेको छ ।
वि.सं.२०७६ चैत ६ बिहीवार १६:२३ मा प्रकाशित