काठमाडौं । माछापुच्छ्रे बैंकले महानगरीय प्रहरी कार्यालयको समन्वयमा काठमाडौंको विभिन्न स्थानमा कोेरोना भाइरसको संक्रमणबाट बच्न साबुनपानीले हात धुने व्यवस्था मिलाएको छ ।
बैंकले आइतबारदेखि काठमाडौंको भीड हुने स्थान नयाँ बानेश्वर चोकमा पाँच हजार लिटरको पानी ट्यांकी तथा साबुनरस्यानिटाइजरको व्यवस्था गरेको हो ।
आइतबार बिहान बानेश्वर चोकमा व्यवस्था गरिएको हातधुने ठाउँको महानगरीय प्रहरी कार्यालय रानीपोखरीका प्रमुख प्रहरी नायब महानिरीक्षक विश्वराज पोखरेल तथा माच्छापुच्छ्रे बैंकका निमित्त प्रमुख कार्यकारी अधिृकत सन्तोष कोइरालाले संयुक्त रूपमा उद्घाटन गरेको बैंकले जनाएको छ ।
बैंकले बानेश्वर चोकलगायत भक्तपुरका भीड हुने प्रमुख १६ स्थानमा हात धुने ठाउँको व्यवस्था गरेको छ । विश्वका अधिकांश देशमा महामारीका रूपमा देखापरेको कोरोना भाइसरको संक्रमणबाट बच्न साबुनपानीले हात धुनु अनिवार्य रहेको तथा काम विशेषले बाहिर निस्किने नागरिकका लागि सबै सार्वजनिक स्थानमा हात धुन सम्भव नहुने हुदाँ आमनागरिरको स्वास्थ्यलाई ध्यानमा राख्दै बैंक तथा महानगरीय प्रहरी कार्यालयले यस्तो व्यवस्था मिलाएको हो ।
वि.सं.२०७६ चैत ९ आइतवार १४:०६ मा प्रकाशित
