एजेन्सी । अमेरिकामा कोरोना भाइरस संक्रमितको संख्या १० लाख ३५ हजार पुगेको छ। मंगलबारसम्म कोरोना भाइरस संक्रमितको संख्या १० लाख कट्ने अमेरिका पहिलो राष्ट्र बनेको छ ।
त्यस्तै मर्नेको संख्या ५९ हजार दुई सय ६६ पुगेको छ । तर केही प्रदेशले नयाँ संक्रमित संख्या र मृत्यु दर घटेको भन्दै आर्थिक व्यवस्था पुनः सुरू गर्ने तयारी गरेका छन्।
‘अब हाम्रा विज्ञहरू विश्वास गर्छन् कि महामारी हाम्रो पछाडि छ । अमेरिकनहरू अब सुरक्षित र छिटो पुनः आर्थिक गतिविधिलाई चलायमान गर्ने तयारीमा छन,’ अमेरिकी राष्ट्रपति डोनाल्ड ट्रम्पले भने।
क्यालिफोर्नियाका गभर्नर गेभिन न्यूजोमले लकडाउ मा रहेको आफ्नो राज्य पुन सञ्चालन गर्न चरणबद्धरूपमा रूपरेखा प्रस्तुत गरेका छन ।
क्यालिफोर्नियामा मात्रै एक हजार आठ सय बढीले ज्यान गुमाएका छन्। गभर्नर न्यूजोमका अनुसार विद्यालय र कलेजहरू जुलाइ र अगष्टमा सुरू हुन सक्नेछ ।
वि.सं.२०७७ वैशाख १७ बुधवार १२:५८ मा प्रकाशित