काठमाडौं । नेपालले गौतम बुद्धको २५६० औं जन्म जयन्तीको अवसरमा दुई छिमेकी मुलुकका राष्ट्र प्रमुखलाई निम्तो पठाएको छ । भारतीय प्रधानमन्त्री नरेन्द्र मोदी र चिनियाँ राष्ट्रपति सि जिन पिङलाई सम्मेलनका लागि आमन्त्रण गरिएको हो । राष्ट्र संघका महासचिवलाई पनि नेपाल सरकारले निम्तो पठाएको छ ।
वौद्ध सम्मेलन अन्तरगत जेठको ६ र ७ गते काठमाडौंमा दुई दिन सम्मेलनहरु हुनेछन् । ८ गते भने गौतम बुद्धको जन्मस्थल लुम्बिनीमा जन्म जयन्तीको विशेष कार्यक्रम हुनेछ ।
यस्तै विभिन्न ११ देशका संस्कृति मन्त्री र २२ देशका बौद्ध विज्ञलाई पनि मन्त्रालयले सम्मेलनका लागि बोलाएको संस्कृति पर्यटन तथा नागरिक उड्डयन मन्त्री आनन्दप्रसाद पोखरेलले बताए ।
प्रकाशितः २०७३ वैशाख ९
वि.सं.२०७३ वैशाख ९ बिहीवार १४:३५ मा प्रकाशित
