काठमाडौं । भारतको महाराष्ट्र औरंगाबादमा रेलले कुल्चिएर १६ जना मजदुरको मृत्यु भएको छ । घर जान पैदल हिँडेर रेल्वे ट्रयाकमा आराम गरिरहेका मजदुरलाई शुक्रबार बिहान रेलले कुल्चिएको हो ।
रेलले कुल्चिएर १६ मजदुरको मृत्यु भएको छ भने अन्य कैयौँ घाइते भएको बताइएको छ । भारतीय रेल्वेले वक्तव्य जारी गर्दै औरंगाबादतर्फबाट पैदलै आएका मजदुर रेल्वे ट्र्याकमा आराम गर्न बसिरहेका बेला रेलले कुल्चिएको बताएको छ ।
मुख्यमन्त्री शिवराजसिंह चौहानले मृतक मजदुरका परिवारलाई ५/५ लाख राहत दिने घोषणा गर्नुभएको छ । प्रधानमन्त्री नरेन्द्र मोदीले ट्वीटमार्फत् घटनाप्रति दुःख व्यक्त गर्नुभएको छ ।
वि.सं.२०७७ वैशाख २६ शुक्रवार ११:०७ मा प्रकाशित