काठमाडौं । प्रधानमन्त्री केपी शर्मा ओलीले लकडाउनमा थप कडाइ नगर्ने हो भने अवस्था झन गम्भीर भएर जाने बताउनुभएको छ ।
मंगरबार बालुवाटारमा बसेको मन्त्रिपरिषद बैठकमा प्रधानमन्त्री ओलीले पछिल्लो समय नेपालको अवस्था थप गम्भीर बन्दै गएका कारण पनि लकडाउनमा कडाइ गर्न अनिवार्य रहेको बताउनुभएको थियो ।
प्रधानमन्त्री ओलीले पछिल्लो समय नेपालमा कोरोना संक्रमितको संख्या बढ्दै गएको भन्दै यसबारे गम्भीर रुपमा छलफल गरेर अगाडि बढ्नुपर्ने बताउनुभयो । लकडाउन खुकुलो भएकोप्रति प्रधानमन्त्रीले असन्तुष्टि व्यक्त गर्नुभएको थियो ।
प्रधानमनत्री ओलीले नेपाल–भारत सीमा विवाद कूटनीतिक तबरबाटै हल गर्ने र त्यसको तयारी अगाडि बढेको बताउनुभयो ।बैठकमा परराष्ट्रमन्त्री प्रदीपकुमार ज्ञवालीले हालसम्म भएको गतिविधिहरुबको बारेमा जानकारी गराउनुभएको थियो ।
वि.सं.२०७७ वैशाख ३० मंगलवार १४:३३ मा प्रकाशित
