काठमाडौं । अस्पतालमा ‘बेड’ खाली नभएपछि पर्सामा मंगलबार फेलापरेका १८ जना कोरोना संक्रमितलाई प्रशासनको निगरानीमा घरमै राखिएको छ ।
वीरगन्जस्थित नारायणी अस्पतालमा बेड खाली नभएपछि उनीहरुलाई घरमै राखिएको हो । १५० बेड क्षमता रहेको अस्पतालमा ७० ओटा बेड कोरोना संक्रमितको उपचारका लागि छुट्याइएको छ ।
नारायणी अस्पतालमा अहिले ६९ जना संक्रमित उपचारमा रहेका छन् । संक्रमितलाई कहाँ व्यवस्थापन गर्ने भन्नेबारे छलफल भइरहेको नारायणी अस्पतालका इमरजन्सी वार्डका प्रमुख उदयनारायण सिंहले जानकारी दिए ।
हालसम्म पर्सामा ९० जना कोरोना संक्रमित रहेका छन् । जसमध्ये तीनजना उपचारपछि घर फर्किएका छन् ।-इमेजखबरबाट
वि.सं.२०७७ वैशाख ३१ बुधवार १५:५३ मा प्रकाशित
