काठमाडौं । शुक्रवार बसेको उच्चस्तरीय समन्वय समितिको बैठकले लकडाउनको मोडालिटी परिवर्तन गर्ने निर्णय गरेको छ । समितिले जेठ पाँच गतेपछि लकडाउनको मोडालिटी परिवर्तन गर्ने निर्णय गरेको हो।
स्वास्थ्य क्षेत्रका विज्ञहरुसँगको छलफलपछि समितिले जोखिम क्षेत्र छुट्याएर लक डाउनको मोडालिटी परिवर्तन गर्ने निर्णय गरेको प्रधानमन्त्री तथा मन्त्रिपरिषद् कार्यालयका सचिव नारायण विडारील जानकारी दिनुभयो ।
जारी लकडाउनको समिक्षा गर्दै समितिले उच्च जोखिममा रहेको क्षेत्र, मध्यम जोखिममा रहेका क्षेत्र र न्यून जोखिममा रहेका क्षेत्रको पहिचान गरी मोडालिटी परिवर्तन गर्ने निर्णय गरेको उहाँले बताउनुभयो ।
वि.सं.२०७७ जेठ २ शुक्रवार १४:३७ मा प्रकाशित