काठमाडौं । नेपालमा थप तीन जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले थप तीन जनामा संक्रमण पुष्टि भएको जनाएको छ ।
प्रदेश १ को विराटनगरमा दुई जना र धनकुटाका एक जनामा कोरोना देखिएको हो । नयाँ संक्रमितमा विराटनगर निवासी २९ वर्षीया महिला र ३६ वर्षीय पुरुषमा संक्रमण पुष्टि भएको छ ।
त्यसैगरी धनकुटामा ३४ वर्षीया महिलामा संक्रमण पुष्टि भएकोछ । योसँगै प्रदेश १ मा कोरोना संक्रमितको संख्या ३९ पुगेको छ । यसैबीच तीन संक्रमित थपिएसँगै नेपालमा कोरोना संक्रमितको संख्या २९५ पुगेको छ ।
वि.सं.२०७७ जेठ ४ आइतवार २०:३२ मा प्रकाशित
