काठमाडौं । भ्रष्टचार आरोपमा अख्तियारले हिरासतमा लिएका पत्रकार कनकमणि दीक्षितको स्वास्थ्यमा समस्या आएपछि वीर अस्पतालको आईसीयूमा भर्ना गरिएको छ ।
गौशाला प्रहरीको हिरासतमा रहेका उनको अचानक रक्तचाप बढेर मुटुमा समस्या आएपछि शनिबार दिउँसो आईसीयूमा भर्ना गरेर उपचार थालिएको हो ।
उच्च रक्तचापका कारण दीक्षितको छाती र मुटुमा एकसाथ समस्या आएपछि आईसीयूमा राखेर वीर अस्पतालका चिकित्सकले उपचार थालेका हुन् ।
अख्तियार दुरुपयोग अनुसन्धान आयोगले अनुसन्धानमा असहयोग गरेको भन्दै उनलाई शुक्रबार पक्राउ गरेको थियो।
दीक्षितलाई भेट्न उनकी श्रीमतीबाहेक अरु कसैलाई दिइएको छैन।
प्रकाशितः २०७३ वैशाख ११
वि.सं.२०७३ वैशाख ११ शनिवार १५:४२ मा प्रकाशित
