काठमाण्डौं । पश्चिमाञ्चल डेभलपमेन्ट बैंकलाई गाभेर एकिकृत कारोबार गर्न लागेको मेगा बैंक नेपालको कारोबार आइतबार साँझसम्म बन्द हुने भएको छ । मर्जरपछि मेगा बैंक नेपालका नाममा दुबै बैंकको एकिकृत कारोबार बैशाख १३ गतेबाट हुने छ ।
मर्जर सम्झौता भएको १५ महिनापछि एकिकृत कारोबार सञ्चालन हुन लागेको हो । सिस्टम इन्टिग्रेसनका लागि शनिवारबाट दुबै बैंकको कारेबार बन्द भएको हो ।
दुई संस्थाको मर्जर प्रकृयाले निकै समय लिँदा सेयर लगानीकर्ता अप्ठेरोमा परेका थिए । केही दिनअघि राष्ट्र बैंकले अन्तिम स्वीकृति दिएपछि एकिकृत कारोबार हुन लागेको हो ।
एकिकृत कारोबारसँगै कायम भएको सेयरका आधारमा चाँडै नेप्सेमा कारोबार फुकुवा गरिने कम्पनीले जानकारी दिएको छ ।
बैशाख १२, २०७३, ८।००
वि.सं.२०७३ वैशाख १२ आइतवार ११:२५ मा प्रकाशित
