काठमाडौं । स्वतन्त्र ऊर्जा उत्पादकहरूको संस्था नेपाल (इपान) को आगामी असार १५ गते हुने निर्वाचनका लागि सदस्यहरू दुई धारमा बाँडिएका छन् ।
व्यापक छलफल पछि संस्थापन पक्षले नयाँ अनुहारलाई बेवास्ता गरेपछि दुई धारमा बाँडिएर निर्वाचन हुन लागेको हो । बाराही हाइड्रो पावर कम्पनीका अध्यक्ष तथा रुग्ण जलविद्युत् आयोजनाको संयोजन गरिरहेका सूर्यप्रसाद अधिकारी तथा उनको समूहले नयाँ प्यानल बनाएर निर्वाचन लड्ने निर्णय गरेको छ । संस्थापन पक्षको योजनामा फरक मत राख्दै अधिकारी समूहले बिहीबार आफ्नो प्यानल घोषणा गरेको जानकारी दिएको छ ।
अधिकारी समूहमा उपाध्यक्षहरू अर्जुनप्रसाद गौतम, उत्तम ब्लोन, भरत खत्री, महासचिव गोरे शेर्पाले उमेदवारी दिने निर्णय गरेका छन् । यस्तै, सचिवहरूमा भरत लामिछाने थापा, मोहनविक्रम कार्की, प्रकाश दुलाल तथा कोषाध्यक्ष बलराम खतिवडाले उमेद्वारी घोषणा गरेका छन् ।
यसैगरी, सदस्यहरूमा मिथुन (सिपी) पौडेल, सुमनकुमारी जोशी, विक्रम विष्ट, जितमान शेर्पा तथा महिला सदस्यहरूमा अविज्ञा मल्ल, केसाङ डिकी लामाले उमेद्वारी घोषणा गरेका छन् । अन्तिम समयसम्म प्रयास भए पनि सहमति जुट्न नसकेपछि संस्थापन र नयाँ समूह बाँडिएको छ ।
संस्थापन पक्षले जलविद्युत् उद्यमी कृष्ण आचार्यलाई अक्ष्यक्षको रूपमा अगाडि सारेको छ । उनको समूहमा उपाध्यक्ष कुमार पाण्डे, आशिष गर्ग, गणेश कार्की तथा महासचिवमा आनन्द चौधरी लगायतले दाबेदारी गरेका छन् । संस्थापनले रुग्ण आयोजनाका समस्या नसुनेको तथा सरकारले घोषणा गरेका सुविधा प्राप्त गर्न लबिङ नगरेको नयाँ अनुहारहरूको आरोप छ ।
इपान कार्यसमिति पाँचौं कार्यकालसम्म सर्वसम्मतले नेतृत्व तथा कार्यसमिति चयन हुँदै आएको थियो । छैटौ कार्यकालका लागि पनि सहमतिको प्रयास गरिएको थियो । तर, संस्थापन पक्ष आफ्नै स्वार्थ अनुसार अगाडि बढेपछि बाध्य भएर नयाँ प्यानल बनाउनु परेको प्रत्यासीहरुले बताए ।
भरत खत्री पिपुल्स पाबर लि पुवा खोला २ ईलाम ४.९७ को अध्यक्ष ,संखुवासभा प्द्यल्च् ईसुबा खोला ९७ मे वा को संचालक निजि क्षेत्र को सबैभन्दा बढि लगानि रहेको ब्यबसाय करिब ७ खर्ब लगानी रहेको ,हाल यस संस्था मा १७५ कम्पनी आबद्ध रहेका छन ।
वि.सं.२०७७ असार १३ शनिवार ०८:१७ मा प्रकाशित
