काठमाडौं । नयाँ आर्थिक वर्ष शुरु भएको पहिलो दिनदेखि नेप्से सकारात्मक गतिमा अघि बढ्ने संकेत देखिएको छ । साउन १ गते बिहीवार कारोबारको एक घण्टामै नेप्से परिसूचक १३ दशमलव ११ अंकले बढेर १ हजार ३७५ दशमलव ४६ विन्दुमा पुगेको हो ।
यस अवधिसम्म नेप्से परिसूचक शून्य दशमलव ९६ अंकले बढ्दा रू. १७ करोड ६४ लाख ९५ हजार बराबरको शेयर कारोबार भएको छ । १५५ कम्पनीको ३ हजार १३६ पटकको व्यापारमा ५ लाख ८ हजार ९८७ कित्ता शेयर कारोबार भएको हो ।
कारोबारमा आएका १२ ओटा समूहमध्ये बैंकिङ १ दशमलव १६ प्रतिशत, विकास बैंक १ दशमलव शून्य २ प्रतिशत, उत्पादन तथा प्रशोधन शून्य दशमलव १९ प्रतिशत, अन्य शून्य दशमलव ६२ प्रतिशत, लघुवित्त शून्य दशमलव १३ प्रतिशत , जीवन बीमा १ दशमलव २१ प्रतिशत र म्युचुअल फण्ड शून्य दशमलव ९७ प्रतिशत बढेको छ भने अन्य समूहको परिसूचक घटेको छ ।
यस अवधिसम्म व्यापारिक समूहको परिसूूचक सबैभन्दा बढी १ दशमलव ६६ प्रतिशत घटेको छ । बिहीवार पनि एनआईसि एशिया लघुवित्तको शेयरमूल्यमा सकारात्मक सर्किट लागेको छ । यस दिन रू. ५३ ले यस कम्पनीको शेयरमूल्य बढेको छ ।
एक घण्टाको कारोबारमा सबैभन्दा बढी नेपाल पुनर्बीमा कम्पनीको शेयर कारोबार भएको छ । नेपाल पुनर्बीमा कम्पनीको रू. २ करोढ ४९ लाख ६५ हजार बराबरको शेयर कारोबार भएको हो ।
वि.सं.२०७७ साउन १ बिहीवार १२:२० मा प्रकाशित
