धादिङ । जिल्ला प्रशासन धादिङले भदौ ३ गतेसम्मका लागि निषेधाज्ञा लागू गर्ने निर्णय गरेकोछ । कोरोना संक्रमितको संख्या दिन दिनै बढ्न थालेपछि प्रशासनले निषेधाज्ञा जारी गरेको गरेको हो ।
प्रमुख जिल्ला अधिकारी अस्मान तामाङको अध्यक्षतामा वसेको बैठकले कालुपाण्डे राजमार्गको फुर्के खोला देखि धादिङबेसी दायाँ/बायाँ र नीलकण्ठ नगरपालिकाको वडा नं २, ३, ४, ७, ८, १२ र १४ का क्षेत्रहरुमा आज राति १२ बजेदेखि लागुहुने गरि भाद्र ३ गते सम्म निषेधाज्ञा जारी गरेको हो ।
यस्तै पृथ्वी राजमार्ग त्रिभुवन राजपथ आसपासका होटलहरू, वैकं तथा वित्तिय संस्थाहरू, राजश्व कार्यलय गल्छी पनि पूर्णरुपमा बन्द गर्ने निर्णय गरेको छ । स्थानीय प्रशासन ऐन २०२८ को दफा ६ (३) र संक्रमण रोग ऐन २०२० अनुरुप निशेधाज्ञा जारी गरिएको प्रशासनले जनाएको छ ।
वि.सं.२०७७ साउन २८ बुधवार १५:३० मा प्रकाशित
