मुगु । छायाँनाथ रारा नगरपालिकाको केन्द्र तथा जिल्ला सदरमुकाम रहेको गमगढी बजार क्षेत्रमा अवस्थित जिल्ला स्वास्थ्य सेवा कार्यालयका एक कर्मचारीमा कोरोना देखिएपछि नगर क्षेत्र बुधबारबाट बन्द गरिएको छ ।
गमगढी बजारमा भीडभाड हुने स्थान तथा जिल्ला अस्पतालकै कर्मचारीमा कोरोना देखिएपछि कोरोना संक्रमण समुदायस्तरसम्म पुगेको छ/छैन भनेर पत्ता लगाउन छायाँनाथ रारबनगर क्षेत्र बुधबारबाट पूर्णरुपमा बन्द गर्न प्रमुख जिल्ला अधिकारी कृष्णकुमार निरौलाले आदेश जारी गर्नुभएको हो ।
मंगलबार जिल्ला प्रशासन कार्यालयमा प्रमुख जिल्ला अधिकारी निरौलाको अध्यक्षतामा बसेको जिल्ला कोभिड–१९ संकट व्यवस्थापन केन्द्रको बैठकले १० गतेबाट जिल्ला सदरमुकाम गमगढीमा अत्यावश्यक सेवाबाहेक सबै कारोवार ७ दिनका लागि पूर्णरुपमा बन्द गर्ने निर्णय गरेको हो।
वि.सं.२०७७ भदौ ११ बिहीवार ०८:५३ मा प्रकाशित