काठमाण्डौं । यो साताको सेयर बजार ११ अंकले घटेको छ। राजनीतिक अन्यौलता थपिँदा साताका अन्तिम दिनहरुमा बजार ओर्लिरह्यो। सोमबार बजारको परिसूचक हालसम्मकै उच्च अंक १४ सय ७४ मा पुगेको थियो। त्यसपछि बजार निरन्तर घट्न पुग्यो। कारोबार बन्द हुँदासम्म बजारको परिसूचक १४ सय ६३ अंकमा कायम भएको छ।
नेप्सेमा साताभर १ सय ४४ कम्पनीको ४ अर्ब ५९ करोड ९५ लाख २५ हजार रुपैयाँ बराबरका ६९ लाख ३५ हजार कित्ता सेयरहरु खरिद बिक्री भएका छन्। कारोबार रकम गत साताको भन्दा ३०. ७३ प्रतिशत कम हो। गत साता १४१ कम्पनीहरुको कारोबार भएको थियोे।
समूहगत रुपमा हेर्दा यो साता होटल बाहेक सबै समूह ओर्लिए। होटल समूह ४७ अंकले उक्लिएको छ। वाणिज्य बैंक समूह ११.९३, विकास बैंक समूह १४.५७ र बिमा समूह ७२.८३ अंकले ओर्लिएको छ। उत्पादनमूलक, अन्य र बित्त समूह पनि झिनो अंकले घट्यो।
‘क’ वर्गका कम्पनीहरुको कारोबार मापन गर्ने सेन्सेटिभ इन्डेक्स पहिलो दिनको तुलनामा २.४८ अंकले घटेर ३ सय १६ अंकमा आईपुगेको छ।
प्रकाशितः २०७३ वैशाख २५
वि.सं.२०७३ वैशाख २५ शनिवार १२:१६ मा प्रकाशित
