काठमाडौँ । नेपालमा आज थप १ हजार ६९ जनामा कोरोना संक्रमण पुष्टि भएको छ । योसँगै नेपालमा हालसम्म कुल संक्रमितको संख्या ४० हजार ५२९ पुगेको छ ।
देशका विभिन्न प्रयोगशालामा विगत २४ घण्टामा १२ हजार ८८ जनाको पिसीआर परीक्षण गरिएकोमा १०६९ जनामा संक्रमण पुष्टि भएको स्वास्थ्य तथा जनसंख्या मन्त्रालयको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले जानकारी दिनुभयो ।
हाल देशभर सक्रिय संक्रमितको संख्या १८ हजार ११२ रहेको छ । आज देशभर सात हजार ३९० जना क्वारेन्टिनमा छन् । पछिल्लो २४ घण्टामा थप ७६८ कोरोना जितेर घर फर्किएका छन् । हालसम्म कोरोना जितेर घर फर्किनेको संख्या २२ हजार १७८ पुगेको छ ।
यस्तै काठमाडौँ उत्यकामा ४८१ जना संक्रमित थपिएका छन् । जसमध्ये काठमाडौँका ३९३, ललितपुरका ५८ र भक्तपुरका ३० जना छन् ।
वि.सं.२०७७ भदौ १६ मंगलवार १६:२३ मा प्रकाशित
