काठमाडौँ । पछिल्लो २४ घण्टामा देशभर ११२० जनामा कोरोना संक्रमण देखिएको छ । थप १२ जनाको मृत्यु भएको छ ।
स्वास्थ्य तथा जनसङ्ख्या मन्त्रालयले गरेको नियमित पत्रकार सम्मेलनम मन्त्रालयका प्रवक्ता डा जागेश्वर गौतमले विभिन्न प्रयोगशालमा गरिएको परीक्षणमा ३२० महिला र ८०० जना पुरुषमा संक्रमण देखिएको जानकारी दिए । अहिलेसम्म कुल संक्रमितको संख्या ४१ हजार ६४९ जना पुगको छ ।
प्रवक्ता डा. गौतमका अनुसार पछिल्लो २४ घण्टामा १११२ निको भएर घर फर्किएका छन् । सक्रिय संक्रमित १८ हजार १०८ जना र क्वारेन्टिनमा ६ हजार ७६६ जना रहेको गौतमले जानकारी दिनुभयो ।
त्यसैगरी कोरोना संक्रमणबाट आज एकै दिन १२ जनाको मृत्यु भएको छ । मन्त्रालयका प्रवक्ता डा गौतमले विगत २४ घण्टामा १२ जनाको मृत्यु भएको जानकारी दिए । कोरोना संक्रमणबाट हालसम्म मृत्यु हुनेको संख्या २५१ जना पुगेको छ ।
उपत्यकामा थपिए ३८८ जना नयाँ संक्रमित
पछिल्लो २४ घण्टामा काठमाडौँ उपत्यकामा आज मात्रै थप ३८८ जनामा कोरोना संक्रमण पुष्टि भएको छ । काठमाडौंमा ३५०, ललितपुरमा २९ र भक्तपुरमा ९ संक्रमित थपिएका छन् ।
वि.सं.२०७७ भदौ १७ बुधवार १६:३१ मा प्रकाशित
