काठमाडौं । दाङमा बिहान ६ बजेदेखि १२ बजेसम्म बजार खुल्ने भएका छन । जिल्ला प्रशासन कार्यालयमा जारी जिल्ला संकट व्यवस्थापन समितिको बैठकले त्यस्तो निष्कर्ष निकालेको प्रमुख जिल्ला अधिकारी गोविन्द रिजालले जानकारी दिए।
‘अझै पनि बैठक टुङ्गिएको छैन,’ रिजालले भने ‘ तर,सबैले बिहान ६ घन्टा बजार खोल्ने भन्ने कुरामा सहमति जनाउनुभएको छ ।’ मध्यान्ह १२ बजेपछि भने फेरि नियमित रूपमा लकडाउन हुने प्रजिअ रिजालले बताए।
बिहान ६ घन्टा खोल्दा बैंक तथा वित्तीय संस्था पनि मर्कामा नपर्ने उनले तर्क गरे । एक हप्ता अगाडि बसेको जिल्ला संकट व्यवस्थापन समितिको बैठकले आइतवार राति १२ बजेसम्म निषेधाज्ञा जारी गरेको थियो।
वि.सं.२०७७ भदौ २१ आइतवार १३:२८ मा प्रकाशित
