काठमाडौँ । माछापुच्छ्रे बैंक लिमिटेडको १० प्रतिशत लाभांश वितरण गर्ने भएको छ ।
बिहीबार बसेको संचालक समितिको बैठकले गत आर्थिक वर्ष २०७६/७७ को खुद मुनाफाबाट शेयरधनीहरुलाई चूक्ता पूँजीको १०.४ प्रतिशत लाभांश (करसहित) वितरण गर्ने निर्णय गरेको हो ।
उक्त लाभांश अन्तर्गत बैंकले ७.०३ प्रतिशत बोनस शेयर र ३.३७ प्रतिशत नगद लाभांश (कर सहित) नेपाल राष्ट्र बैंकको स्वीकृति एवं आगामि बार्षिक साधारण सभाबाट पारित भए पश्चात वितरण गर्ने समेत निर्णय गरेको हो।
बैंकले गत आर्थिक वर्षमा एक अर्ब २६ करोड ५१ लाख रुपैया खुद नाफा गरेर प्रतिशेयर आम्दानी १४ रुपैया ९६ पैसा कायम गरेको थियो। चुक्ता पूँजी आठ अर्व ४५ करोड ८४ लाख रुपैयाँ रहको बैंकको साधारण जगेडा कोषमा एक अर्ब ७० करोड रुपैया संचित रहेको छ।
वि.सं.२०७७ असोज १ बिहीवार १६:३४ मा प्रकाशित