काठमाडौं । अन्नपूर्ण पदयात्राका क्रममा सरिबुङ क्षेत्रमा अलपत्र परेका सबैको झण्डै १५ घण्टापछि उद्धार भएको छ । सिम्रिक एयरको हेलिकप्टोरको १२ औं पटकको प्रयासपछि सबैको उद्धार भएको हो ।
उद्धार गरिएका दुई विदेशी सहित १८ जना पर्यटकलाई हिले फु गाउँमा ल्याएर राखिएएको ट्रेकिङ एजेन्सीज एसोसिएसन अफ नेपाल (टान)का उद्धार संयोजक देवी पाण्डेले जानकारी दिए ।
हेलिकप्टोर ल्याण्ड नगरेपछि उनीहरुलाई डोरीका सहायताले हुकिङ गरेर उद्धार गरिएको हो । उद्धार गरिएकामध्ये स्वास्थ्य अवस्था हेरेर गम्भिरलाई तत्काल काठमाडौं ल्याइने पाण्डले बताए ।
ठूलो हावाहरुरीसँगै वर्ष हुँदा बन्दोबस्तीका सबै सामग्री उडाएपछि उनीहरु हिजोदेखि नै त्यस क्षेत्रमा अलपत्र परेका थिए ।
जर्मन पर्यटक ४४ वर्षीय टोविस ग्रोनेन र ४८ वर्षीय गुडरुन इन्ग्रिडका साथमा रहेका नेपाली गाइड, क्लाइम्बिङ शेर्पा, बेसक्याम्प शेर्पा पोर्टरसहितका १८ नेपाली फसेका थिए ।
प्रकाशितः २०७३ जेठ १
वि.सं.२०७३ जेठ १ शनिवार १२:४५ मा प्रकाशित
