कुनै समय कसैसँग विवाद हुँदा वा रिस उठ्दा गरेको ब्लक पुनः मित्रता सुधारिएपछि कसरी अनब्लक गर्ने त ? धेरैलाई थाहा नहुन सक्छ ।
तपाईले जसलाई ब्लक गर्नुहुन्छ, उसलाई ब्लक गरेकोबारे सूचना जाँदैन । ब्लक खोलिसकेपछि पनि उसले पत्तो पाउँदैन । जसलाई ब्लक गर्ने हो, उसको प्रोफाइल खोल्ने र म्यासेजको पछाडि रहेको ……स्पेस मा क्लिक गरेपछि ब्लक मा गई सहजै ब्लक गर्न सकिन्छ । यो धेरैलाई थाहा भएकै कुरो हो ।
तर फेरि अनब्लक गर्नुपर्यो वा उसँग फेरि फेसबुकमा जोडिन पर्यो भने के गर्ने त रु ब्लक गरिसकेपछि उसको प्रोफाइल तपाई खोल्न सक्नुहुन्न। तसर्थ त्यसका लागि पनि वैकल्पिक उपाय छ ।
त्यसका लागि फेसबुकको दायाँ माथि रहेको साँचोको संकेतमा अर्थात Privacy shortcuts मा क्लिक गर्नुहोस् । जुन फ्रेण्ड रिक्वेस्ट, म्यासेज, नोटिफिकेसनकै लाइनमा रहेको हुन्छ । क्लिक गरेपछि अन्तिममा ‘हाउ डु आई स्टप समओन फ्रम बोथरिङ मि’ (How do I stop from bothering me ?) भन्ने आउँछ । पुनः त्यसमा क्लिक गरेपछि भ्यू अल ब्लकेड युजर्स (View all Blocked users) आउँछ ।
त्यो भनेको तपाईले कसकसलाई ब्लक गर्नुभयो भन्ने सूची हो । अब जोसँग तपाई पुनः जोडिन चाहनुहुन्छ, त्यसको साइडमा रहेको अनब्लकमा क्लिक गर्नुहोस् । यसपछि उ तपाईसँग सहज रुपमा फेसबुमा जोडियो, उसले तपाईले गरेको यो क्रियाकलाप पत्तो पाउँदैन ।
प्रकाशितः २०७३ जेठ १
वि.सं.२०७३ जेठ १ शनिवार १४:२८ मा प्रकाशित
