काठमाडौं । राजधानीको थापाथलीस्थित परोपकार प्रसुति गृहमा एक महिलाले पाँच जना शिशुलाई जन्म दिएकी छिन्।
आज बिहान नुवाकोटकी २८ वर्षीया सोमिका तामाङले पाँच शिशुको जन्म दिएकी हुन् । पाँचमध्ये चार जना शिशु जीवित रहेका छन् भने १ जनाको भने जन्मनु अघि नै मृत्यु भइसकेको अस्पतालले जनाएको छ ।
प्रसुति रोग विशेषज्ञ डा. कृतिपाल सुवेदीको नेतृत्वमा रहेको चिकित्सकहरुको टोलीले शल्यक्रियामार्फत ५ शिशुको निकालिएको थियो ।सुत्केरी आमाको स्वास्थ्य अवस्था सामान्य रहेको छ । नेपालमा एकै पटक ५ शिशुको जन्म भएको यो नै पहिलो पटक हो ।
वि.सं.२०७७ असोज १९ सोमवार १७:४२ मा प्रकाशित
