काठमाडौं । बागमती प्रदेशको प्रदेशसभा सचिवालयले लोगो परिवर्तन गर्ने तयारी गरेको छ । लिम्पियाधुरासहितको भूभाग समावेश गर्न साविकको लोगोमा परिवर्तन गरी नयाँ लोगो बनाउन लागिएको हो ।
नयाँ बनाउन लागिएको लोगोमा नेपालको राष्ट्रिय झण्डा, नेपालको नक्सामा बागमती प्रदेशलाई गाढा बनाई बागमती प्रदेश सभा लेखेको हुनुपर्ने प्रदेशसभा सचिवालयल जनाएको छ ।
सचिवालयले बुधबार एक सूचना जारी गर्दै १५ दिनभित्र लोगो डिजाइन गरी प्रदेश सभा सचिवालयको जिन्सी शाखामा बुझाउन सार्वजनिक आह्वान गरेको छ । उत्कृष्ट लोगो डिजाइन गर्नेलाई ३० हजार पुरस्कार दिइने पनि घोषणा गरिएको छ ।
वि.सं.२०७७ असोज २१ बुधवार ०७:४३ मा प्रकाशित
