काठमाडौं । बुधवार नेप्से परिसूचक कारोबार भएको एक घण्टामा १ हजार ५६१ दशमलव शून्य ३ विन्दुमा पुगेको छ । अघिल्लो कारोबार दिनको तुलनामा ७ दशमलव ५६ अंक घटेको हो ।
सबैभन्दा बढी जनरल इन्स्योरेन्स कम्पनी नेपालको शेयर मूल्य ९ दशमलव ८४ प्रतिशत वृद्धि भएको छ । उक्त कम्पनीको शेयर रू. ३०५ मा खुला भएको थियो भने अहिले वृद्धि भएर रू. ३३५ पुगेको छ ।
एक घण्टाको कारोबार अवधिमा १६५ ओटा कम्पनीको रू. २९ करोड ५८ लाख बराबरको शेयर खरीदविक्री भएको छ । सार्वाधिक कारोबार सानिमा बैंकको रू. ३ करोड ४३ लाख बराबरको शेयर खरीदविक्री भएको छ ।
कम्पनीले लाभांश वितरण गर्ने प्रस्ताव गरेसँगै खरीदविक्रीमा वृद्धि भएको हो । उक्त कम्पनीले १० प्रतिशत बोनस शेयर र ३ दशमलव ३६ प्रतिशत नगद लाभांश वितरण गर्ने प्रस्ताव गरेको छ । सबैभन्दा बढी विकास बैंक समुहको परिसूचक १ दशमलव ७५ प्रतिशतले घटेको छ ।
वि.सं.२०७७ असोज २८ बुधवार १२:०२ मा प्रकाशित
