काठमाडौं । माछापुच्छ्रे बैंकको साधारणसभा स्थगित भएको छ । शुक्रबार बसेको बैंक संचालक समिति बैठकले २२ औं बार्षिक साधारणसभा स्थगितको निर्णय गरेको हो ।
कोरोना भाइरस महामारी बढेको र चाडपर्वको कारण सेयरधनीलाई साधारणसभामा भाग लिन कठिनाई हुने भएपछि स्थगित गरेको बैंकले जनाएको छ । बैंकल आउँदो ६ गते बिहीबार पोखरामा साधारणसभा गर्न मिति तय गरेको थियो ।
बैंकले सेयरधनीलाई आर्थिक वर्ष २०७६/०७७ को नाफाबाट चुक्तापुँजीका ३.३७ प्रतिशत नगद लाभांश र ७ प्रतिशत बोनस सेयर दिने प्रस्ताव सभामा पेश गर्ने तयारी थियो ।
वि.सं.२०७७ कात्तिक १ शनिवार १४:२६ मा प्रकाशित