काठमाडौं । कुमारी बैंकको नाफा साढे ५१ प्रतिशतले बढेको छ । चालु आर्थिक वर्षको दोस्रो त्रैमासमा बैंकले १ अर्ब २१ करोड ६५ लाख रुपैयाँ खुदनाफा गरेको छ ।
गत वर्षको सोही अवधिमा कुमारीले ८० करोड ३० लाख रुपैयाँ मात्र खुदनाफा गरेको थियो । गत वर्षको तुलनामा चालु आर्थिक वर्षमा बैंकले ४१ करोड ३५ लाख रुपैयाँ नाफा बढाएको सोमबार सार्वजनिक गरेको वित्तीय विवरणमा उल्लेख छ ।
खुद ब्याज आम्दानी र सञ्चालन नाफा बढेपछि यसको सकरात्मक असर नाफामा परेको हो । नाफाबाट सेयरधनीलाई ६३ करोड ७५ लाख रुपैयाँ वितरण गर्न देखिएको छ ।
समीक्षा अवधिमा बैंकको खुदब्याज आम्दानी ३७ प्रतिशतले बढेर २ अर्ब ४९ करोड ७७ लाख रुपैयाँ पुगेको छ। बैंकको सञ्चालन नाफा ५३.४७ प्रतिशतले बढेर १ अर्ब ७४ करोड ५ लाख रुपैयाँ पुगेको छ।
खुद नाफासँगै बैंकको प्रतिसेयर आम्दानी १६ रुपैयाँ ८३ पैसा रहेकोमा बढेर १७ रुपैयाँ ५३ पैसा पुगेको छ। बैंकको प्रतिशेयर नेटवर्थ १३० रुपैयाँ ८२ पैसा छ
बैंकको निष्क्रिय कर्जा १.०६, आधारदर ७.९२, निक्षेप लागत ५.८२, स्प्रेडदर ३.५८ र सीसीडी रेसियो ७६ प्रतिशत रहेको छ। बैंकको चुक्तापुँजी १३ अर्ब ८७ करोड ८४ लाख रुपैयाँ छ ।
बैंकको जगेडा कोषमा ३ अर्ब ५० करोड रुपैयाँ छ । पुससम्म बैंकले १ खर्ब २२ अर्ब ७२ करोड रुपैयाँ निक्षेप परिचालन गरी १ खर्ब १४ अर्ब ७३ करोड रुपैयाँ कर्जा प्रवाह गरेको छ।
वि.सं.२०७७ माघ १२ सोमवार ०८:५५ मा प्रकाशित