काठमाडौं । सिभिल बैंक लिमिटेडले फागुन ९ गते १०औं वार्षिक साधारणसभा गर्ने घोषण गरेको छ ।
बैंक सञ्चालक समितिको माघ १५ गते बिहीबार बसेको बैठकले कोरोना भाइरस (कोभिड–१९) महामारीलाई ध्यानमा राख्दै भिडियो कन्फ्रेन्सको माध्यमबाट बैंकको प्रधान कार्यालयबाट विहान ११ बजे सभा आयोजना गर्ने निर्णय भएको हो ।
उक्त सभाले चुक्तापूँजीको ०.४२ प्रतिशत नगद लाभांश र ८ प्रतिशत बोनस शेयर दिने प्रस्ताव पारित गर्ने छ भने सञ्चालक समितिको प्रतिवेदनमाथि छलफल गरी पारित गर्ने छ ।
त्यस्तै साधारणसभा प्रयोजनका लागि बैंकको शेयर दाखिल खारेज (बुक क्लोज) माघ २३ गते एक दिन बन्द रहने छ । २२ गतेसम्म कारोबार भई शेयरधनी किताबमा कायम शेयरधनीहरुले सो सभामा भाग लिन तथा बोनस शेयर र नगद लाभांश पाउन योग्य हुनेछन् ।
वि.सं.२०७७ माघ १६ शुक्रवार ०९:०५ मा प्रकाशित
