काठमाडौं । प्रुडेन्सियल इन्स्योरेन्सले सेयरधनीहरुको लागि लाभांश दिने प्रस्ताव गरेको छ । कम्पनीको माघ २५ गते बसेको संचालक समितिको बैठकले सेयरधनीहरुको लागि ८.४२ प्रतिशत लाभांश दिने प्रस्ताव गरेको हो ।
कम्पनीका अनुसार हाल कायम भएको चुक्ता पुँजीको ८ प्रतिशतले हुन आउने ८ करोड २१ लाख १४ हजार ५ सय ६० रुपैयाँको बोनस र त्यसको लाग्ने करको ०.४२ प्रतिशत नगद लाभांशले हुन आउने ४३ लाख २१ हजार ८ सय १८ रुपैयाँ १५ पैसा दिने प्रस्ताव गरेको छ ।
कम्पनीको उक्त प्रस्ताव बीमा समितिले स्वीकृति गरेर आगामी साधारणसभाले पारित गरेपछि सेयरधनीले पाउनेछन् ।
वि.सं.२०७७ माघ २६ सोमवार १०:२५ मा प्रकाशित