काठमाडौं । सेयर बजारमा सामान्य सुधार देखिएको छ । अघिल्लो दिन दोहोरो अंकले घटेको बजार बुधबार भने ८.६६ अंकले बढेर इन्डेक्स २५४३.०३ बिन्दुमा रोकिएको छ ।
१९१ कम्पनीको १ करोड ४९ लाख ६० हजार ७७ कित्ता सेयर ७ अर्ब ६४ करोड ९४ लाख ११ हजार ३९८ रुपैयाँको सेयर किनबेच भएको छ । यो दिन बैंकिङ समूहको उपसूचक २६.६१, वित्त कम्पनी ३८.१२, निर्जीबन ६२.१५ अंकले बढेको छ ।
यस्तै माइक्रोफाइनान्स ४४.९७, जीवन बीमा ११५.५९ अंकले घटेको छ । यो दिन लगानीकर्ताको ध्यान वाणिज्य बैंकमा जाँदा बजारमा सामान्य सुधार देखिएको छ ।
कारोबार रकमको आधारमा ग्लोबल आईएमई बैंक रहेको छ । बैंकको ५२ करोड १७ लाख २५ हजार १८८ रुपैयाँको सेयर किनबेच भएको छ । दोस्रो र तेस्रो स्थानमा क्रमशः प्रभु र कुमारी बैंक रहेको छ ।
वि.सं.२०७७ माघ २८ बुधवार १५:३२ मा प्रकाशित