काठमाडौं । सिटीजन्स बैंक इन्टरनेशनलले सिर्जना फाइनान्सलाई प्राप्ति गर्ने भएको छ । सिटीजन्स बैंकले बुधवार सिर्जना फाइनान्सलाई प्राप्ति गर्ने प्रारम्भिक सम्झदारी पत्रमा हस्ताक्षर भएको छ ।
हाल सिर्जना फाइनान्स कम्पनीको चुक्तापूँजी रू. ८४ करोड ८७ लाख रहेको छ । सिटीजन्स बैंकले त्यसो त तिनाउ मिसन डेभलपमेण्ट बैंकलाई प्राप्ति गर्ने प्रस्ताव पनि विशेष साधारण सभाबाट पारित भइसकेको छ ।
सभाले सिटीजन्सको १ कित्ता शेयर बराबर तिनाउ मिसनको शून्य ९६ कित्ता कायम हुने गरी स्वाप रेशियोमा प्राप्ति गर्ने प्रस्ताव पारित गरेको हो । अव नेपाल राष्ट्र बैंकको स्वीकृती पाएपछि ती दुबै कम्पनीले एकीकृत कारोबार शुरु गर्ने छन् ।
हाल सिटीजन्स बैंकको चुक्तापूँजी रू. ९ अर्ब ८१ करोड रहेको छ । त्यसैगरी तिनाउ मिसनको पूँजी रू.१ अर्ब ८१ करोड ३१ लाख रहेको छ । सिटीजन्स बैंकले तिनाउ मिसन डेभलपमेण्ट बैंक र सिर्जना फाइनान्सलाई प्राप्ति गरेपछि भने चुक्तापूँजी रू. १२ अर्ब ४७ करोड ७५ लाख पुग्नेछ ।
वि.सं.२०७७ माघ २८ बुधवार १६:१९ मा प्रकाशित
