काठमाडौं । नेपाली बजारमा भासुनको उ नौ महिना अघिकै अवस्थामा पुगेको छ । आज प्रतितोला एक हजार रुपैँयाले आरोलो लागेसंगै गत जेठ महिनाकै वरिपरि पुगेको हो ।
आज साताको अन्तिम कारोबार दिन छापावाला सुनको मूल्य प्रतितोला एक हजार रुपैँयाले घटेर ८८ हजार २ सय कामय भएको नेपाल सुनचाँदी व्यवसायी महासंघले जनाएको छ । यस्तै, तेजावी सुनको मूल्य ८७ हजार ७५० रुपैँया तोकिएको छ ।
महासंघका अनुसार गत जेठ २८ गते ८८ हजार ६ रुपैँयामा कारोबार भएको थियो । जेठ कोरोना महामारीका कारण देशमा लकडाउन भएकाले जेठ महिनाको अवधिभर जम्मा सात दिन मात्र कारोबार भएको महासंघले जनाएको छ ।
जेठ २५ गतेदेखि कारोबार सुरु भएको थियो । उक्त दिन छापावाल सुनको भाउ प्रतितोला ८७ हजार ४ रुपैँयामा कारोबार भएको थियो । जेठ महिनामा भएको कारोबार दिनको तथ्याङ्क अनुसार सुनको भाउ ९० हजार भन्दा कम मूल्यमै कारोबार भएको देखिन्छ । उक्त महिनामा कारोबारको अन्त्य दिनसम्म ८९ हजार ६ सय रुपैँयामा कारोबार भएको थियो ।
त्यसैगरि आज शुक्रवार चाँदीको मूल्य पनि आज प्रतितोला ३० रुपैँयाले ओरालो लागेको छ । अघिल्लो दिन १३ सय ३५ रुपैँयामा कारोबार भएको चाँदीको भाउ आज भने १३ सय ५ रुपैँया कायम भएको महासंघले जनाएको छ ।
वि.सं.२०७७ फागुन ७ शुक्रवार ११:२७ मा प्रकाशित