काठमाडौं । नेपाल स्टक एक्सचेन्ज (नेप्से)ले कम्पनीको सूचीकरणमा लापर्बाही गरेको छ । नेप्सेले कम्पनीको सूचीकरण गर्नको लागि विभिन्न १५ वटा समूहगत इन्डेक्स बनाएको छ ।
जुन शिर्षकमा रहेका कम्पनी हुन् ती कम्पनीलाई त्यही शिर्षकमा राख्नु पर्ने हो । तर नेप्सेले लाइफ इन्स्योरेन्स कम्पनीलाई लाइफ इन्स्योरेन्स समूहगत परिसूचकमा राख्नु पर्नेमा अन्य शिर्षकमा राखेको छ । नेप्सेले रिलायन्स लाइफ इन्स्योरेन्सलाई अन्य समूहगत परिसूचकमा सूचीकृत गरेको देखिएको छ ।
नेप्सेको वेवसाइटमा लाइफ इन्स्योरेन्स तर्फ हेर्ने हो भने ८ वटा जीवन बीमा कम्पनीलाई मात्र राखेर छ भने रिलायन्स लाइफ इन्स्योरेन्सलाई अन्यको सूचीमा सूचीकृत गरेको छ । अन्यमा कम्पनीमा रिलायन्स लाइफ इन्स्योरेन्स सहित ९ वटा कम्पनी रहेका छन् ।
नेप्सेका प्रवक्ता मुराहरी पराजुलीले यसमा केही प्रावधिक त्रुटी भएको हुनसक्ने भएकोले यसलाई नेप्सेले वास्तविक समूहगत परिसूचकमा राख्ने बताउनु भयो ।
वि.सं.२०७७ फागुन ९ आइतवार ११:४१ मा प्रकाशित
