काठमाडौं । प्राइम कमर्सियल बैंकले ३ अर्ब ५० करोड रुपैयाँको ३५ लाख कित्ता ऋणपत्र ‘८.७५ % प्राइम डिबेन्चर २०८५’ निष्काशन गर्ने भएको छ ।
३५ लाख कित्तामा १४ लाख कित्तामा मात्रै सर्वसाधारण लगानीकर्ताले आवेदन दिन पाउने छ भने २१ लाख कित्ता बैंक आफैले विभिन्न संघ संस्थालाई बिक्री गर्ने जनाएको छ । ८ वर्षको लागि निष्काशन गर्न लागेको ऋणपत्र वार्षिक ब्याज ८.७५ प्रतिशत रहेको छ ।
ऋणपत्रमा प्रति कित्ता १ हजार रुपैयाँ दरले न्यूनतम २५ देखि अधिकतम ५ लाख कित्तासम्म आवेदन दिन पाएने छ । सी–आस्वा सदस्य रहेका बैंक तथा वित्तीय संस्था, मेरोसेयर एपबाट आवेदन दिन सकिने छ । यसको बिक्री प्रबन्धकमा आरबीबी मर्चेन्ट बैंकिंङ रहेको छ ।
ऋणपत्रमा फागुन १९ देखि २३ गतेसम्म आवेदन दिन सकिनेछ । उक्त अवधिमा माग अनुसार आवेदन नपरेको खण्डमा चैत ४ गतेसम्म आवेदन दिन सकिने छ
वि.सं.२०७७ फागुन ११ मंगलवार १२:४१ मा प्रकाशित