काठमाडौं । एक सातामा वाणिज्य बैंकहरुको निक्षेप संकलन १३ अर्ब रुपैयाँले बढ्दा कर्जा लगानी १८ अर्ब रुपैयाँले विस्तार भएको छ । नेपाल बैंकर्स संघका अनुसार वाणिज्य बैंकहरुको कर्जा प्रवाह एक सातामा १८ अर्ब रुपैयाँले बढेर ३३ खर्ब ३५ अर्ब रुपैयाँ कर्जा प्रवाह भएको छ ।
संघका अनुसार बैंकहरुले माघ ३० गतेसम्म ३३ खर्ब १७ अर्ब रुपैयाँ कर्जा प्रवाह गरेका थिए । फागुन ७ गतेसम्म आउँदा यो अंक बढेर ३३ खर्ब ३५ अर्ब पुगेको छ ।
यो एक साताको अवधिमा बैंकहरुको कर्जा प्रवाह मात्रै नबढेर निक्षेप संकलन पनि बढेको छ । माघ ३० गते ३७ खर्ब ८६ अर्ब रुपैयाँ रहेकोमा यो एक साताबा १३ अर्ब रुपैयाँले बढेर ३७ खर्ब ९९ अर्ब रुपैयाँ पुगेको छ ।
विश्वब्यापी रुपमा फैलिएको कोरोना भाइरसको संक्रमण क्रमिक रुपमा कम हुँदै दाँजा बैंकहरुको कर्जा लगानी विस्तार भएको छ । नेपालमा पछिल्लो समयमा कोरोनाको संक्रमण न्यून हुँदै जाँदा अर्थतन्त्र पनि क्रमिक रुपमा चलायमान हुन थालेको छ । जसको प्रभाव बैंकहरुले प्रवाह गर्ने कर्जा लगानीमा समेत देखिन थालेको तथ्याङकले देखाएको छ ।
वि.सं.२०७७ फागुन ११ मंगलवार १३:०७ मा प्रकाशित
