काठमाडौं । ज्योति लाइफ इन्स्योरेन्सले सर्वसाधारणको लागि साधारण सेयर (आइपीओ) निष्काशन गर्ने भएको छ । कम्पनीले प्रतिकित्ता १०० रुपैयाँ दरको ६६ लाख कित्ता आइपीओ निष्कासन गर्न लागेको हो ।
जसमा ३ लाख ३० हजार कित्ता कर्मचारी र ३ लाख ३० हजार कित्ता म्युचुअल फन्डहरुलाई छुट्याएको छ । बाँकी रहेको ५९ लाख ४० हजार कित्ताकामा सर्वसाधारणले आवेदन दिन पाउने छन् ।
कम्पनीको आइपीओमा फागुन २३ बाट २८ गतेसम्म आवेदन दिन सकिनेछ । आइपीओमा न्यूनतम १० देखि अधिकतम ६६ हजार कित्तासम्म आवेदन दिन सकिनेछ । यसको बिक्री प्रबन्धकमा एनएमबि क्यापिटल रहेको छ ।
लगानीकर्ताले सि–आश्वा सदस्य रहेका बैंक तथा वित्तीय संस्था, मेरो सेयरमार्फत आवेदन दिन सकिने छ।
वि.सं.२०७७ फागुन १४ शुक्रवार १०:२९ मा प्रकाशित
