काठमाडौं । सिडिएस एण्ड क्लियरिङ लिमिटेडले साधारण सेयर (आइपीओ) नजिता हेर्नको लागि नयाँ पोर्टल सञ्चालनमा ल्याएको छ ।
सिडिएससीले सुरु गरेको नयाँ पोर्टल https://iporesult.cdsc.com.np/ बाट आईपीओको नतिजा सहजै थाहा पाउन सकिने भएको छ ।महिला लघुवित्तको आईपीओको नतिजा समेत नयाँ पोर्टलमा राखिएको छ ।
शुक्रबार बाँडफाँड भएको महिला लघुवित्तको आइपीओको नतिजा लगानीकर्ताले मेरो सेयर, सम्बन्धित कम्पनीको वेवसाइट र बिक्री प्रबन्धकको वेवसाइटबाट हेन सकेका थिएनन् । समयमा नै नतिजा हेर्न नपाएपछि लगानीकर्ता आक्रोशित समेत बनेका थिए ।
यस्तै सिडिएससीले बिहीबार भएको कारोबारको ईडीआईएस गर्नको लागि समय समेत थपेको छ । सिडिएससीका अनुसार १३ गते कारोबार भई १६ गते हुने राफसाफ तथा फछ्यौटको समयलाई बढाएर १६ गते बिहान ७ बजेसम्म कायम गरिएको छ ।
वि.सं.२०७७ फागुन १५ शनिवार १४:३७ मा प्रकाशित
