काठमाडौं । राजस्व अनुुसन्धान विभागले राजस्व छली गर्ने ३ जनाविरुद्ध उच्च अदालत पाटनमा मुद्दा दर्ता गरेको छ ।
विभागले विराटनगर-९ स्थित बाबा फ्लोर मिल्सका सञ्चालक तथा गोपाल फ्लोर मिलका मुख्य कारोबारी सुरेश कुमार राठीसहित ३ जनाले राजस्व चुहावट गरेको अभियोगमा १५ करोड ३६ लाख ६३ हजार ६७२ रुपैयाँ बिगो दावी र कैद जरिवाना मागसहित उच्च अदालत पाटनमा मुद्दा दर्ता गरिएको विभागले जनाएको छ ।
विभागले राठी तथा कम्पनीका म्यानेजर गिरधारी लाल अग्रवालले वास्तविक बिक्री– आम्दानीभन्दा घटी बिक्री देखाइ मूल्य अभिवृद्धि कर, लाभांश कर र आयकर समेतको राजस्व चुहावटको कसुर गरेको साथै भीसीटीएस समेतको पालना नगरेको भन्दै मुद्दा दर्ता भएको छ ।
वि.सं.२०७७ फागुन १६ आइतवार १९:०० मा प्रकाशित
