काठमाडौं । फागुन २१ गतेदेखि नागरिक लगानी कोषले ३ लाख ५४ हजार कित्ता शेयर लिलामी विक्री खुला गर्ने भएको छ ।
कोषले ८२.८४ प्रतिशत हकप्रद शेयर निष्कासन गर्दा बिक्री नभएको सर्वसाधारण समूहको शेयर लिलामी प्रक्रियाबाट बिक्री गर्न लागेको हो । आउँदो शुक्रबार कोषले ३ लाख ५४ हजार १५० दशमलव ०५ कित्ता शेयर लिलामी बिक्री खुला गर्ने भएको हो ।
उक्त शेयरमा व्यक्ति, कम्पनी तथा संघसस्थाले चैत २ गतेसम्म बोलपत्र पेश गर्न सक्नेछन् ।
लगानीकर्ताले न्यूनतम १०० रुपैयाँ वा सोभन्दा बढी मूल्य अंकित गरी बोलकबोल गर्नुपर्नेछ । न्यूनतम १० कित्तादेखि अधिकतम सबै कित्ताका लागि आवेदन दिन पाइन्छ ।
बिक्री प्रबन्धक आरबीबी मर्चेन्ट बैंकिङ, टेकु काठमाडौं तथा नागरिक लगानी कोषको कार्यालय, नयाँ वानेश्वर काठमाडौं र यसका विराटनगर र पोखरा शाखाबाट बोलपत्र पेश गर्न सकिनेछ । यसैगरी, राष्ट्रिय वाणिज्य बैंकका विभिन्न शाखा कार्यालयहरुमा पनि बोलपत्र बुझाउन पाउने व्यवस्था रहेको छ
वि.सं.२०७७ फागुन १९ बुधवार १२:२४ मा प्रकाशित
