काठमाडौं । नेपाल स्टक एक्सचेन्ज (नेप्से)का अनुसार एक साताको अवधिमा अनलाइनको यूजरनेम र पासवर्ड लिने सेयर लगानीकर्ताको संख्या ६९ हजार ९२ जनाले बढेको छ ।
नेप्सेका अनुरार एक साताका अनलाइनको यूजरनेम र पासवर्ड लिने लगानीकर्ताको संख्या ४ लाख ४५ हजार ३५३ जना पुगेको छ ।
अनलाइनको यूजरनेम र पासवर्ड लिनेको संख्या साढे ४ लाखको हाराहारीमा पुगेपनि अनलाइनबाटै सेयर कारोबार गर्ने सकृय लगानीकर्ताको संख्या २ लाख २२ हजार ५६९ जना रहेका छन् । नेप्सेका अनुसार बिहीबारसम्म ५ लाख ९४ हजार ८७९ जना सेयर बजारमा सकृय लगानीकर्ता रहेका छन् । सकृय लगानीकर्तामा अनलाइन अफलाइन दुवै समावेश गरिएको छ ।
नेप्सेका अनुसार सबैभन्दा बढी नाशा सेक्युरिटिजबाट ४१ हजार ९०२ जनाले अनलाइनको यूजरनेम र पासवर्ड सेवा लिएका छन् । त्यस्तै सानी सेक्युरिटिजबाट २७ हजार ६६९ जना, मिदास स्टक ब्रोकिङ कम्पनीबाट २० हजार ५०३ जना, भिजन सेक्युरिटीजबाट १८ हजार ९१४, दिपशिखा धितोपत्र कारोबार कम्पनीबाट १८ हजार ७७९ जनाले अनलाइनको यूजरनेम र पासवर्ड सेवा लिएका छन् । सबैभन्दा थोरै सगरमाथा सेक्युरिटिजबाट ७७९ जनाले अनलाइनको यूजरनेम र पासवर्ड सेवा लिएको नेप्सेको भनाइ छ ।
विश्वब्यापी रुपमा सुरु भएको कोरोनाको महामारीपछि सेयर कारोबार अनलाइनबाट सुरु भएको छ । जसका कारण पनि अनलाइनको यूजर नेम र पासवर्ड लिनेको संख्या क्रमिक रुपमा बढेको छ । अनलाइनको यूजर नेम र पासवर्ड लिएपछि आफुलाई पायक परेको जुनसुकै स्थानबाट पनि सेयर कारोबार गर्न सकिन्छ । त्यसले गर्दा पनि अनलाइन सेवा लिनेको संख्या बढेको छ ।
वि.सं.२०७७ फागुन २१ शुक्रवार १२:३६ मा प्रकाशित
